Pas vërshimeve që goditën së fundmi Prishtinën, Komuna po ndërmerr hapa konkretë për të vlerësuar dëmet e shkaktuara.
Një komision është ngarkuar me evidentimin e dëmeve në sektorët e bujqësisë, ekonomisë familjare dhe bizneseve. Komuna e Prishtinës ka bërë të ditur se raporti përfundimtar do t’i dërgohet Qeverisë së Kosovës, për të mundësuar procesin e dëmshpërblimit.
Ndërkohë, qytetarët mund të paraqesin kërkesat e tyre në ndërtesën e vjetër të Komunës. Përfaqësuesit e Komunës theksojnë angazhimin e tyre për t’u qëndruar afër qytetarëve dhe për të trajtuar çdo rast me profesionalizëm dhe paanshmëri të plotë.
Ky veprim është pjesë e përpjekjeve për të ndihmuar banorët të rikuperojnë humbjet nga kjo fatkeqësi natyrore.
Leave a Reply