Analisti politik Halil Matoshi ka nënvizuar nevojën që Kosova të ketë një shpërndarje më të barabartë të përgjegjësive institucionale dhe të zgjedhë një president me konsensus.
Ai ka vërejtur se që nga shpallja e pavarësisë, sistemi politik nuk është respektuar si duhet dhe pushteti nuk mund të jetë ekskluzivitet i një partie të vetme. Sipas Matoshit, struktura e shtetit të Kosovës është konceptuar që në pozitat kryesore si presidenti, kryeministri dhe kryetari i kuvendit, së paku njëra të përfaqësojë një subjekt tjetër politik apo të jetë një figurë që gëzon konsensus të gjerë.
Ai sugjeron që presidenti konsensual mund të zgjidhet nga radhët e akademikëve, shoqërisë civile apo personaliteteve jopolitike, duke theksuar se kjo do të forconte demokracinë dhe do të promovonte unitetin politik në vend.
Leave a Reply