Në Qendrën e Numërimit dhe Rezultateve po vazhdon procesi i numërimit të votave të cilat janë përcaktuar për rinumërim nga Komisioni Qendror i Zgjedhjeve.
Deri më tani, janë rinumëruar 40 nga 914 vendvotime të planifikuara. Sipas përditësimeve të fundit, rezultatet mbeten kryesisht të pandryshuara nga të dhënat paraprake.
Lëvizja Vetëvendosje vazhdon të kryesojë me 46.31% të votave, që përfaqëson 5,362 vota. Ndërkohë, Partia Demokratike e Kosovës ka arritur të sigurojë 19.59% ose 2,268 vota.
Aleanca për Ardhmërinë e Kosovës ka marrë 17.07%, ekuivalente me 1,977 vota, ndërsa Lidhja Demokratike e Kosovës ka 10.90% ose 1,262 vota. KQZ po siguron përditësime të rregullta të rezultateve, duke ndjekur me përpikëri procesin e rinumërimit për të siguruar transparencë dhe saktësi në përfundimin e zgjedhjeve.
Leave a Reply