Pas vizitës në Prishtinë, i dërguari i posaçëm i BE-së për dialogun mes Beogradit dhe Prishtinës, Peter Sørensen, u ndal në Beograd për takime me zyrtarë të lartë serbë.
Ai u takua me kryenegociatorin Petar Petkoviq dhe ministrin e Jashtëm, Marko Gjuriq, për të diskutuar mënyrat e vazhdimit të dialogut dhe çështjet e sigurisë në Kosovë. Në fokus të bisedimeve ishte edhe kërkesa e Beogradit që formimi i Asociacionit të komunave me shumicë serbe të mbetet një kusht i rëndësishëm për normalizimin e marrëdhënieve.
Gjithashtu, Petkoviq theksoi se është e nevojshme një përfshirje më e madhe ndërkombëtare për të hartuar statutin e Asociacionit, duke nënvizuar se fusha të tilla si shëndetësia dhe arsimi janë kyçe për komunitetin serb. Ministri Gjuriq përsëriti rëndësinë e respektimit të të drejtave të këtij komuniteti.
Ndërkohë, ministri francez për Evropën dhe Punët e Jashtme, Jean-Noël Barrot, gjatë vizitës së tij në Beograd, nënvizoi nevojën që të gjitha palët të përmbushin angazhimet e nënshkruara me ndihmën e BE-së. Analistët në Beograd paralajmërojnë se dialogu ka ngecur për shkak të moszbatimit të marrëveshjeve ekzistuese.
Leave a Reply