Osmani, Basha dhe Kurti nderojnë Gërvallat në 44-vjetorin e vrasjes

Në 44-vjetorin e vrasjes së Jusuf e Bardhosh Gërvallës dhe Kadri Zekës, liderët e Kosovës kanë bërë homazhe në fshatin Dubovik.

Presidentja Vjosa Osmani, kryetari i Kuvendit Dimal Basha dhe kryeministri në detyrë Albin Kurti, nderuan kujtimin e këtyre heronjve kombëtarë. Osmani theksoi rëndësinë e datës 17 janar, duke e cilësuar si një ditë të kobshme për kombin, pasi përkoi me vrasjen e Gërvallëve dhe Kadri Zekës, si dhe me vdekjen e heroit kombëtar Gjergj Kastrioti.

Ajo nënvizoi se këta heronj e deshën Kosovën më shumë se jetën e tyre, duke u bërë zëri i popullit në kohë sfiduese. Kurti, nga ana tjetër, theksoi se vrasja e tyre nga agjentët e UDB-së dëshmon për patriotizmin e jashtëzakonshëm të shqiptarëve, të cilët luftuan për lirinë dhe shtetin që sot gëzojnë.

Ai kujtoi se vrasja ndodhi pas demonstratave të vitit 1981, kur organizimet për pavarësinë e Kosovës po merrnin hov, dhe armiqtë synuan t’i ndalnin këto përpjekje.