Jeton Buquku, pronar i kompanisë “Buquku Sh.p.k”, u plagos rëndë në një sulm me armë zjarri të dielën në rrugën “Adem Jashari” në Pejë.
Ngjarja ndodhi teksa ai po hynte në vendin e tij të punës, kur tre persona iu afruan nga pas. Një prej tyre e qëlloi me pistoletë, duke e lënë të plagosur.
Policia e Kosovës ka identifikuar tre të dyshuar për këtë incident, përfshirë Arian Qelajn, 45 vjeç, nga Mazniku i Deçanit, i njohur për veprimtari kriminale. Qelaj dhe dy familjarë të tij janë shpallur në kërkim për tentim-vrasjen e Buqukut.
Buquku, i plagosur rëndë, fillimisht u trajtua në Spitalin Rajonal të Pejës, para se të transferohej në Qendrën Klinike Universitare në Prishtinë. Mjekët e vlerësuan gjendjen e tij si stabile dhe jashtë rrezikut për jetën.
Jeton Buquku deklaroi se nuk i njeh personat që e sulmuan, duke shtuar se ata mund të jenë shtyrë nga dikush tjetër. Në dhjetor 2019, Qelaj ishte shpallur në kërkim për akuza të tjera dhe dyshohet se ishte arratisur në Gjermani.
Leave a Reply