Rinumërohen 382 nga 914 vendvotime në ditën e pestë në QNR

Në Qendrën e Numërimit dhe Rezultateve vazhdon procesi i rinumërimit të fletëvotimeve, pas vendimit të KQZ-së për t’i rinumëruar ato.

Që prej fillimit të këtij procesi më 13 janar 2026, janë rinumëruar 382 nga 914 vendvotime. Ky proces ka përfshirë deri më tani 19 komuna, duke përfshirë Deçanin, Gjakovën, Gllogocin dhe të tjera.

Rinumërimi ka përfunduar në disa komuna si Dragashi, Kaçaniku dhe Leposaviqi, ndërsa aktualisht po vazhdon në Prizren. Për të përshpejtuar procesin, është rritur numri i ekipeve që punojnë në Qendrën e Numërimit nga 20 në 26.

Në platformën e KQZ-së, rezultatet e rinumërimit do të publikohen pas përfundimit të numërimit për secilin vendvotim. Sipas planit të KQZ-së, në 10 komuna do të rinumërohen të gjitha vendvotimet, ndërsa në 28 komuna të tjera do të rinumërohen 10% e tyre.

Komunat si Prizreni, Skënderaj dhe Ferizaj janë ndër ato ku po bëhet rinumërimi i plotë.