Analisti politik, Xhevdet Pozhari, ka sugjeruar se zgjedhjet e ardhshme për President mund të sjellin dy kandidatë të fortë, duke shmangur improvizimet e mëparshme.
Ai theksoi se Presidentja aktuale, Vjosa Osmani, ka shprehur dëshirën për një mandat të dytë. Megjithatë, rizgjedhja e saj do të varet nga marrëveshjet me partitë e tjera.
Pozhari vuri në dukje se Lëvizja Vetëvendosje është e hapur për dialog me partitë e tjera kur të vijë momenti, por theksoi se qëndrimet e partive, veçanërisht të LDK-së, kanë rëndësi të madhe. LDK-ja ka shprehur dëshirën për një figurë unifikuese, të paanshme politikisht.
Në lidhje me mbështetjen e mundshme nga Albin Kurti për Osmanin, Pozhari u shpreh se është ende herët për të diskutuar këtë çështje, pasi është e rëndësishme që vendi të ketë institucione të konsoliduara më parë. Sipas tij, zhvillimet e ardhshme do të varen nga vullneti politik i të gjitha palëve të përfshira.
Leave a Reply