Droni “Skifteri K1”, i zhvilluar nga Ridvan Aliu, një prodhues i njohur dronësh nga Kosova, ka përfunduar me sukses testimet dhe është gati për përdorim.
Aliu ka ndarë një video në Facebook ku shihet droni duke kryer me saktësi goditjen e një objektivi të synuar. Specifikat teknike të “Skifteri K1” tregojnë një kapacitet mbajtës deri në 42 kilogramë, një kohë fluturimi prej 7 orë e 12 minutash dhe një rreze veprimi që kalon 1 mijë kilometra.
Megjithëse testimi ka rezultuar i suksesshëm, Aliu nuk ka dhënë detaje të mëtejshme mbi fazat e ardhshme të projektit apo destinacionin e përdorimit të këtij droni. Ky zhvillim përfaqëson një hap të rëndësishëm në industrinë e teknologjisë së dronëve në rajon.
Leave a Reply