Sali Rexhaj, ish-kandidati i AAK-së për deputet në zgjedhjet e 28 dhjetorit, ka bërë të ditur se përfshirja e tij në këtë garë ndodhi pa përgatitje dhe pa qëllime personale për t’u zgjedhur deputet.
Ai theksoi se qëllimi kryesor ishte që AAK dhe udhëheqësi i saj, Ramush Haradinaj, të kalonin pragun zgjedhor dhe të formonin një grup parlamentar. Rexhaj akuzoi për manipulime gjatë procesit zgjedhor, duke përmendur Albin Kurtin për blerje votash përmes fondeve publike dhe manipulimin e datës së zgjedhjeve.
Sipas tij, qeveria e dalë nga këto zgjedhje nuk është as legjitime as legale. Në rrëfimin e tij, Rexhaj tregoi se përfshirja e tij në zgjedhje ndodhi shpejt pa përgatitje paraprake.
Edhe pse kishte sugjerime për investime financiare dhe angazhimin e vëzhguesve, ai nuk e konsideroi të nevojshme pasi synimi i tij ishte mbështetja e Ramushit. Ai gjithashtu u shpreh për sulme nga shërbimet sekrete serbe, duke ngritur pyetje mbi arsyet e tyre, dhe nënvizoi rëndësinë e mbajtjes së zgjedhjeve të reja duke i quajtur zgjedhjet aktuale të pavlefshme.
Leave a Reply