Pas ftesës së presidentit Donald Trump për presidenten e Kosovës, Vjosa Osmani, për t’u bashkuar në Bordin e Paqes, këshilltarja e saj, Donika Kadaj Bujupi, ka theksuar rëndësinë e këtij zhvillimi.
Ajo e konsideron këtë si një shenjë të besimit politik dhe strategjik ndaj udhëheqjes së Kosovës, raporton Gazeta Online Veriu.info. Kadaj Bujupi shprehet se ky është rezultat i një politike të jashtme të bazuar në parime dhe koherencë, e cila është udhëhequr me dinjitet institucional nga Presidentja Osmani.
Ajo vlerëson se ky lidership ka transformuar rolin e Kosovës nga një vend që kërkon mbështetje, në një partner që kontribuon për paqen globale. Ky kapitull i ri për Republikën e Kosovës, sipas Kadaj Bujupit, shënon një kalim nga njohja formale drejt ndikimit më të madh në arenën ndërkombëtare.
Ajo thekson rëndësinë e këtij përparimi si një arritje shtetërore me ndikim afatgjatë.
Leave a Reply