Në ceremoninë e nënshkrimit të Bordi të Ri të Paqes nga presidenti amerikan Donald Trump, e cila u zhvillua në Davos, morën pjesë përfaqësues kryesisht nga Lindja e Mesme dhe Amerika e Jugut.
Ndër vendet e përfaqësuara ishin Arabia Saudite, Katari, Emiratet e Bashkuara Arabe, Argjentina dhe Paraguaji. Në këtë ngjarje ishte e pranishme edhe presidentja e Kosovës, Vjosa Osmani, sipas Gazeta Express.
Trump u shpreh falënderues për praninë e liderëve të pranishëm, duke i quajtur ata si udhëheqës, të cilët në shumicën e rasteve janë shumë popullorë. Megjithatë, vërehet se numri i pjesëmarrësve ishte më i ulët se 35, shifër që një zyrtar i lartë i administratës kishte parashikuar më parë.
Në listën e shteteve pjesëmarrëse mungonin vende nga Europa Perëndimore, disa prej të cilëve kanë shfaqur shqetësime për përfshirjen e mundshme të kundërshtarëve si Rusia në këtë bord, veçanërisht në kontekstin aktual të konfliktit me një aleat të tyre.
Leave a Reply