Ismail Tasholli, themeluesi i platformës “Liria ka emër”, ka zbuluar detaje rreth protestës së planifikuar më 17 shkurt, për të mbështetur ish-krerët e UÇK-së të ndaluar në Hagë.
Duke folur për GazetaBlic, ai theksoi se organizimi është në nivel të lartë, duke u mbështetur në përvojën e marshit të mëparshëm, të cilin e cilësoi si një ndër më dinjitozët pas luftës. Data e 17 shkurtit u zgjodh për rëndësinë e saj emocionale dhe simbolike për Kosovën, deklaroi Tasholli.
Ai pret që pjesëmarrja këtë herë të jetë më e madhe, duke pasur parasysh afërsinë e vendimit të gjykatës dhe emocionet e popullit që rriten. Ftesa për marshim u është dërguar të gjitha partive politike, OJQ-ve dhe komuniteteve, me mbështetje të gjerë sikurse në protestën e kaluar.
Motoja e protestës, “Drejtësi, jo politikë”, vjen nga shqetësimet e qytetarëve ndaj Gjykatës Speciale. Në fund, Tasholli ftoi të gjithë ata që e ndjejnë veten borxhlinj ndaj kauzës së luftës për liri të bashkohen në këtë marshim.
Leave a Reply