Avokati i Popullit, Naim Qelaj, vizitoi sot Gjykatën Themelore në Prizren për të monitoruar një seancë të lidhur me akuzat për falsifikimin e rezultateve zgjedhore.
Ai e cilësoi këtë si një nga rastet më të rëndësishme në Kosovë, duke theksuar nevojën që drejtësia të veprojë me kujdes për të siguruar se asnjë individ i pafajshëm nuk përfshihet në proces dhe se të gjitha të drejtat respektohen. Qelaj nënvizoi rëndësinë e respektimit të prezumimit të pafajësisë për të gjithë të akuzuarit deri në marrjen e një vendimi përfundimtar.
Ai theksoi se dëmi i shkaktuar një procesi demokratik është i madh dhe hetimet duhet të vazhdojnë deri në fund. Duke folur përpara gazetarëve, Qelaj apeloi për një trajtim të drejtë dhe të kujdesshëm të çështjes, duke siguruar që standardet e drejtësisë të ndiqen me rigorozitet në procesin gjyqësor.
Leave a Reply