Kryetari i Komunës së Mitrovicës së Jugut, Faton Peci, bëri të ditur se gjatë fundjavës së kaluar u hoq një deponi ilegale pranë një kopshti për fëmijë, që kishte kohë që paraqiste problem në zonë.
Përveç kësaj, Peci njoftoi se shitësit që më parë zinin vend në trotuare janë zhvendosur në hapësira të posaçme për shitje, duke përmirësuar sigurinë ushqimore. Ai raportoi gjithashtu për pastrimin e lumit Trepça dhe ndërhyrjet te Lisicët për të parandaluar rrëshqitjen e dheut që kërcënonte rrugën.
Në përpjekjet e vazhdueshme për të rritur rendin dhe ligjin, komuna ka filluar edhe prishjen e ndërtesave të paligjshme nga zonat publike. Peci theksoi angazhimin e komunës për të transformuar Mitrovicën në një qytet funksional, të pastër dhe të sigurt, duke premtuar një mjedis më të gjelbër për banorët e saj.
Leave a Reply