Albin Kurti, lideri i Vetëvendosjes, gjatë një konference në Davos të Zvicrës, deklaroi se ka integruar ide filozofike dhe etike nga Imanuel Kant, John Stuart Mill dhe Aristoteli në qeverisjen e tij.
Kjo deklaratë u komentua me humor nga kryetari i Prishtinës, Përparim Rama, i cili bëri thirrje që projekti i Unazës së Prishtinës, aktualisht i bllokuar nga qeveria, të përfshihet në këtë “trekëndësh” filozofik. Rama kërkoi publikisht që qeveria e Kosovës të zhbllokojë projektin strategjik të Unazës së Prishtinës.
Ai apeloi për eliminimin e pengesave administrative dhe institucionale që kanë vonuar realizimin e këtij projekti, duke kërkuar fillimin e menjëhershëm të punimeve. Sipas Ramës, ky projekt është me rëndësi kombëtare dhe kërkon vëmendje të menjëhershme për të përmirësuar infrastrukturën e kryeqytetit.
Leave a Reply