Gjatë një operacioni kontrolli në veri të Kosovës, Policia ka sekuestruar 140 kilogramë eksplozivë, të cilët janë prodhuar në Serbi.
Kjo u bë e ditur nga shefi i Planifikimit në Operativën e Policisë në veri, Erduan Baliqi, i cili foli për këtë rast në emisionin Info Magazine. Ai shpjegoi se eksplozivi mbante etiketën e prodhimit nga viti 2014, por nuk dha më shumë detaje rreth çështjes.
Baliqi theksoi rëndësinë e rritjes së bashkëpunimit dhe raportimit nga qytetarët në veri, duke vënë në dukje se ky bashkëpunim ka qenë i dukshëm kohët e fundit. Ai i bëri thirrje të gjithë qytetarëve të Kosovës, pavarësisht prejardhjes etnike, që të raportojnë çdo informacion mbi mjete të rrezikshme, armatim ose eksploziv, për të siguruar që masat e duhura do të ndërmerren nga autoritetet.
Leave a Reply