Kryeministri i Kosovës, Albin Kurti, ka shprehur krenarinë e tij për arritjet e nxënësve kosovarë në Olimpiadën NEO të Shkencave, zhvilluar në Orlando, SHBA.
Në këtë garë, e cila përfshinte 300 pjesëmarrës nga 30 vende të ndryshme, nxënësit nga Kosova fituan 16 medalje në total: gjashtë të arta, tre të argjendta dhe shtatë të bronzta. Po ashtu, ata u renditën në shtatë vende në kategorinë “Më të mirët e më të mirëve”, duke konkurruar në disiplina si matematika, shkencat, biologjia, kimia, kodimi dhe inteligjenca artificiale.
Kurti përmendi mbështetjen financiare që qeveria ofron për këto suksese, duke theksuar se vitin e kaluar janë alokuar 26 mijë euro për pjesëmarrjen në gara ndërkombëtare. Ai theksoi se investimet në arsim dhe shkencë janë thelbësore për të shpalosur potencialin e të rinjve të Kosovës.
Kryeministri, së bashku me zëvendësministrin e Arsimit, Kelmendi, i përshëndetën nxënësit në Ndërtesën e Qeverisë, duke garantuar mbështetje të vazhdueshme për rrugëtimin e tyre akademik dhe profesional.
Leave a Reply