Në Prishtinë, Policia e Kosovës zhvilloi një operacion në orët e para të mëngjesit, ku arrestoi tre zyrtarë të Komunës së Prishtinës, të dyshuar për aktivitete korruptive.
Aksioni u krye nga Drejtoria për Hetimin e Krimeve Ekonomike dhe Korrupsionit, Njësia Rajonale në Prishtinë. Sipas burimeve të brendshme të Policisë së Kosovës, zyrtarët u kapën në flagrancë gjatë marrjes së ryshfetit, pas aplikimit të masave të fshehta hetimore.
Personat e arrestuar janë Afrim Gashi, që punonte në sektorin e infrastrukturës rrugore, Dukagjin Gashi, shef i Sektorit për menaxhimin e mbeturinave dhe shërbimeve publike, si dhe Bashkim Sadiku, zyrtar i lartë për energjetikë në Drejtorinë e Shërbimeve Publike. Ky aksion përfaqëson një hap të rëndësishëm në luftën kundër korrupsionit, duke synuar rritjen e transparencës dhe përgjegjësisë në institucionet publike.
Leave a Reply