Në Çabrat të Gjakovës, një incident i rëndë ka ndodhur ku një libër fetar, Kurani, është dëmtuar nga persona ende të paidentifikuar.
Policia e Kosovës ka filluar hetimet për të zbuluar se kush qëndron pas këtij akti dhe për të kuptuar motivet që mund të kenë çuar në këtë ngjarje. Zëdhënësja e Policisë së Gjakovës, Vlera Krasniqi, ka bërë të ditur se për momentin nuk ka informacion të mjaftueshëm për të identifikuar përgjegjësit ose qëllimin e këtij veprimi.
Ngjarja gjithashtu është njoftuar edhe prokurorit të prokurorisë speciale, dhe veprimet e nevojshme po ndërmerren për të zbardhur rrethanat e incidentit. Hetimet janë në fazat e tyre fillestare dhe autoritetet po punojnë për të siguruar më shumë detaje mbi këtë rast shqetësues.
Leave a Reply