Koordinatorja Nacionale për Zgjedhje, prokurorja Laura Pula nga Gjakova, ka theksuar se askush, pavarësisht pozitës, nuk është mbi ligjin dhe integriteti i procesit zgjedhor është i paprekshëm.
Duke iu referuar zgjedhjeve të fundit, ajo tha se janë identifikuar shumë parregullsi në gjithë territorin e Kosovës. Pula sqaroi se pas përfundimit të zgjedhjeve, ajo dhe ekipi i saj kanë vëzhguar parregullsi të raportuara kudo në Kosovë.
Si rezultat i hetimeve të shpejta, janë arrestuar edhe komisionerë të dyshuar për manipulim votash. Këto masa, sipas saj, bazohen në prova dhe janë ndërmarrë në përputhje me ligjin.
Pula vlerësoi profesionalizmin dhe paanësinë e Prokurorit të Shtetit në trajtimin e rasteve penale, duke theksuar rëndësinë e transparencës dhe llogaridhënies si mjete kryesore kundër korrupsionit dhe manipulimit të votës. Ajo përfundoi duke theksuar se veprimet e ndërmarra dërgojnë një mesazh të qartë se çdo shkelje do të ndëshkohet sipas ligjit.
Leave a Reply