Një hap serioz prapa për Serbinë drejt integrimit në Bashkimin Evropian është votimi i fundit në Parlamentin e vendit për kufizimin e pavarësisë së gjyqësorit.
Komisionerja evropiane për Zgjerimin, Marta Kos, ka shprehur shqetësimin e saj për këtë zhvillim, duke theksuar se Serbia po rrezikon të largohet nga rruga e integrimit evropian, në një kohë kur fqinjët si Mali i Zi dhe Shqipëria po përparojnë drejt anëtarësimit në BE. Kos ka bërë të ditur që veprimi i Serbisë, i cili erdhi pas miratimit të një pakete ligjesh nga shumica në pushtet e presidentit Aleksandar Vuçiq, është në kundërshtim me progresin që vendet e tjera të rajonit po bëjnë në këtë drejtim.
Ajo ka publikuar komentin e saj në rrjetin social X, duke nënvizuar rëndësinë e ruajtjes së pavarësisë së sistemit gjyqësor për të vazhduar me sukses në rrugën e anëtarësimit në BE.
Leave a Reply