Deli Balidemaj, i cili ka përfunduar studimet në inxhinieri, synon të rikandidojë për Këshillin Bashkiak të Mynihut, përfaqësuar nga CSU-ja me numrin 24 në listë.
Në prag të zgjedhjeve që do të zhvillohen më 8 mars 2026, Balidemaj ka bërë një thirrje për mbështetje nga komuniteti shqiptar në Mynih. Në një postim publik, ai theksoi rëndësinë e votës për të ndikuar pozitivisht në të ardhmen e fëmijëve.
Ai ka përmendur pesë prioritetet kryesore që do të udhëheqin punën e tij: përballueshmëria e banimit, administratë efikase, transport publik i aksesueshëm, siguri dhe mbrojtje ambientale, si dhe përkujdesje për arsimimin e fëmijëve. Balidemaj ka shprehur përkushtimin e tij për të punuar me energji maksimale në këto fusha.
Ai ka ftuar të gjithë qytetarët me nënshtetësi gjermane dhe të Bashkimit Evropian të marrin pjesë në zgjedhje dhe ka ndarë një link për më shumë informacion në faqen e tij në Facebook.
Leave a Reply