Papa Leoni XIV ka hasur në kritika të ashpra nga shumë katolikë konservatorë pas një deklarate që kritikonte politikat e emigracionit të presidentit amerikan, Donald Trump.
Gjatë një konference për shtyp, Papa Leoni sugjeroi se mbështetja për trajtimin çnjerëzor të emigrantëve është në kundërshtim me parimet pro-jetë. Deklarata e tij ka shkaktuar reagime të fuqishme nga figura konservatore, të cilët më parë kishin qenë mbështetës të qëndrimeve të tij tradicionale.
Disa prej tyre e akuzuan për krijimin e një “konfuzioni moral”. Shtëpia e Bardhë e ka kundërshtuar vlerësimin e Papës, duke e cilësuar atë si të pasaktë.
Ndërkohë, zyrtarët në Vatikan kanë konfirmuar se Papa Leoni nuk ka në plan të tërhiqet nga pozicionet e tij, pasi mbrojtja e emigrantëve dhe çështjet humanitare janë prioritete për të. Papa Leoni, i cili u zgjodh në maj 2025 si Papa i parë me origjinë amerikane, fillimisht fitoi përkrahjen e të djathtës katolike për rikthimin e traditave kishtare.
Leave a Reply