Kryetari i Mitrovicës, Faton Peci, ka kujtuar me respekt Gazmend Ibrahimin, i cili humbi jetën në moshën 15-vjeçare më 29 janar 2001, si pasojë e një sulmi nga bandat kriminale serbe.
Peci, së bashku me Kryeministrin e Kosovës, Albin Kurti, vendosën kurora pranë pllakës përkujtimore në Lagjen e Boshnjakëve, duke nderuar kështu kujtimin e tij. Në atë ditë tragjike, Gazmendi ishte me vëllanë e tij, Armend Ibrahimin, i cili mbijetoi, por mbeti me 17 plagë të rënda.
Peci theksoi se rezistenca e Gazmendit dhe banorëve shqiptarë të veriut kundërshtonte planin serb për spastrimin etnik dhe kolonizimin e zonës me serbë. Peci kritikoi sistemin ndërkombëtar dhe institucionet vendore për moszbardhjen e rastit, duke nënvizuar se drejtësia nuk është vënë në vend për këtë ngjarje tragjike.
Leave a Reply