Nëse nuk arrihet një marrëveshje politike për zgjedhjen e nënkryetarit të Kuvendit të Kosovës nga komuniteti serb, mund të ketë bllokadë institucionale, paralajmëron Kadri Kryeziu, ish-gjyqtar i Gjykatës Kushtetuese.
Ai thekson se kjo është një çështje politike, jo ligjore. Vullnet Bugaqku nga Instituti Demokratik i Kosovës gjithashtu nuk e përjashton një bllokadë të re, duke theksuar se Lëvizja Vetëvendosje mund të interpretojë ndryshe vendimin e Gjykatës Kushtetuese.
Gjykata Kushtetuese e Kosovës vendosi më 28 janar se zgjedhja e Nenad Rashiqit si nënkryetar i Kuvendit nuk ishte në përputhje me Kushtetutën. Sipas gjykatës, Lista Serbe duhet të propozojë kandidatin, pasi ka shumicën e vendeve të rezervuara për serbët.
Lëvizja Vetëvendosje e Albin Kurtit, fituese e zgjedhjeve, refuzon bashkëpunimin me Listën Serbe, e cila gjithashtu kundërshton Rashiqin si përfaqësues legjitim. Mimoza Kusari Lila ka deklaruar se Vetëvendosje nuk do të votojë për kandidatët e Listës Serbe pa shqyrtim të detajuar të vendimit të gjykatës.
Sipas Bugaqkut, është e padrejtë që deputetët shqiptarë të diktojnë përfaqësimin e komuniteteve të tjera.
Leave a Reply