Kryetari i komunës së Mitrovicës së Jugut, Faton Peci, ka konfirmuar eliminimin e një deponie të paligjshme mbeturinash pranë çerdhes publike të qytetit.
Kjo deponi, e cila për vite të tëra ka qenë burim shqetësimi për banorët, përbënte një rrezik shëndetësor dhe mjedisor të dukshëm. Peci theksoi se ky hap është pjesë e angazhimit të tij për një Mitrovicë të pastër dhe të sigurt.
Sipas Pecit, largimi i kësaj deponie do të kontribuojë në përmirësimin e kushteve të jetesës në zonë, duke eliminuar shqetësimet për kundërmimin, rrezikun nga sëmundjet dhe qentë endacakë që kishin bërë këtë vendbanimin e tyre. Ai siguroi se puna për një qytet më të pastër dhe më funksional do të vazhdojë pa ndërprerje, duke u fokusuar në çështjet mjedisore dhe të sigurisë publike.
Leave a Reply