Kryeministri në detyrë, Albin Kurti, ka nderuar kujtimin e dëshmores Elfete Humolli në përvjetorin e 36-të të vdekjes së saj, duke bërë homazhe në nder të saj.
Ai theksoi rëndësinë e saj në lëvizjen kundër okupimit serb, duke kujtuar se demonstratat e fuqishme të 1 shkurtit 1990 në Lupç të Poshtëm ishin një moment kyç i rezistencës. Kurti kujtoi fjalët e fundit të Elfetes, e cila kishte shqetësim për vëllanë e saj 13-vjeçar, Mentorin, gjatë protestave ku ajo humbi jetën si 16-vjeçare.
Ai vlerësoi përkushtimin e saj për Republikën e Kosovës dhe rolin e saj dhe të shumë nxënësve të tjerë në përballjen me okupimin, që i parapriu luftës çlirimtare të drejtuar nga UÇK-ja. Mentori, vëllai i saj, u bë edhe ai dëshmor në maj të vitit 1999 si pjesëtar i UÇK-së.
Kurti theksoi se sakrifica e tyre është në themel të shtetit dhe aspiratave kombëtare. Gjithashtu, ai vizitoi familjen Humolli dhe shkroi në librin e përkujtimeve për sakrificën e tyre të madhe.
Leave a Reply