Policia e Kosovës ka arrestuar dy shtetas serbë dhe ka ndaluar tre shtetas kosovarë në Kaçanik, të dyshuar për përfshirje në një tentativë vjedhjeje më 1 shkurt 2026.
Incidenti ndodhi në orën 01:40, kur u raportua se dy persona po përpiqeshin të thyenin dritaren e një artarie në rrugën “Ismail Raka”. Njësitë policore mbërritën shpejt në vendngjarje dhe arrestuan në flagrancë M.M.
(36 vjeç) dhe D.T. (35 vjeç).
Ndërkohë, një patrullë tjetër ndaloi një veturë me targa vendore që përmbante tre persona të tjerë të dyshuar: L.M. (48 vjeç), B.H.
(42 vjeç) dhe R.F. (28 vjeç), të cilët u shoqëruan në stacion policor.
Njësia e Hetimeve kreu ekzaminimin në vendngjarje dhe konfiskoi disa mjete të dyshuara, përfshirë një shufër metalike dhe çelësa të ndryshëm. Gjatë kontrollit, policia gjeti çelësat e një veture VW Caddy pranë vendit të ngjarjes.
Të dyshuarit u intervistuan në prani të avokatëve dhe përkthyesve; dy prej tyre pranuan përfshirjen. Me urdhër të Prokurorit, personat e dyshuar u vendosën në mbajtje për 48 orë, ndërsa hetimet vazhdojnë.
Leave a Reply