Pas shpalljes së rezultateve përfundimtare nga Komisioni Qendror i Zgjedhjeve (KQZ) për zgjedhjet e parakohshme parlamentare të 28 dhjetorit, Lista Serbe ka paraqitur një ankesë në Panelin Zgjedhor për Ankesa dhe Parashtresa (PZAP).
Ata kundërshtojnë vendimin e KQZ-së që nuk miratoi listën e kandidatëve të tyre. Igor Simiq, përfaqësues i Listës Serbe, e quajti vendimin si “të paligjshëm” dhe pretendon se u mohuan votat e serbëve.
Ai kërkoi që PZAP-ja të shfuqizojë vendimin dhe të mbrojë të drejtat e komunitetit serb. Ndërkohë, OSBE-ja në Kosovë monitoron situatën dhe kërkon respektimin e standardeve ndërkombëtare zgjedhore.
Ministri i Jashtëm i Serbisë, Marko Gjuriq, kritikoi gjithashtu vendimin, duke e parë si cenim të të drejtave politike të serbëve në Kosovë. Ai theksoi rëndësinë e garantimit të të drejtave elektorale të komunitetit serb.
KQZ-ja përfundoi rinumërimin e votave pas dyshimeve për manipulim. Në përfundim, rezultatet e partive mbetën të pandryshuara, ndërsa Lista Serbe fitoi nëntë ulëse në Kuvend.
Ndërkohë, Eugjen Cakolli nga KDI kritikoi mënyrën e shpalljes së rezultateve dhe vendimin ndaj Listës Serbe.
Leave a Reply