Sot në Gjykatën Themelore të Pejës pritet të zhvillohet seanca e parë gjyqësore për një rast të rëndë që ka tronditur qytetin që nga dhjetori i vitit 2022.
Ngjarja ndodhi në Spitalin e Përgjithshëm të Pejës, ku trupi i një foshnje të sapolindur, që kishte ndërruar jetë, u gjet në lavatriçen e spitalit së bashku me çarçafët. Ky incident ka shkaktuar reagime të forta nga familja e foshnjës, e cila akuzon stafin e spitalit për neglizhencë dhe kërkon kompensim për dëmet e pësuara, si materiale ashtu edhe jomateriale.
Pas ngjarjes, janë kryer hetime nga policia dhe prokuroria, të cilat kanë çuar në pezullimin e dhjetëra punonjësve të spitalit. Ndaj tyre janë ngritur padi penale dhe civile.
Kjo seancë për kompensim pritet të hedhë dritë mbi përgjegjësitë dhe të sjellë drejtësi për familjen e prekur.
Leave a Reply