Nënkryetari i komunës së Skenderajt, Fadil Nura, ka bërë të ditur se do të udhëtojë në Washington D.C.
për të marrë pjesë në ngjarjen National Prayer Breakfast. Ky aktivitet i rëndësishëm ndërkombëtar bashkon liderë nga e gjithë bota dhe është organizuar me ftesë zyrtare të Kongresit të Shteteve të Bashkuara të Amerikës.
Në një postim në Facebook, Nura thekson rëndësinë e kësaj mundësie për të përfaqësuar qëndrimet dhe vizionin e tij, si dhe për të ndarë vlerat e përbashkëta me pjesëmarrësit e tjerë. Ai e përshkruan këtë forum si një platformë të rëndësishme për afirmimin e prezencës së tyre në skenën globale.
Në përmbyllje të mesazhit të tij, Nura uroi bekime për Amerikën, duke theksuar rëndësinë e këtij shkëmbimi kulturor dhe diplomatik.
Leave a Reply