Blogerja e njohur shqiptare, Rina Maloku, ka bërë një rikthim të rëndësishëm në rrjetet sociale, pas një periudhe të gjatë mungese që pasoi humbjen tragjike të partnerit të saj, dizajnuesit Festim Isufi.
Ngjarja që ndodhi disa muaj më parë tronditi komunitetin dhe publikun e gjerë. Në një postim të fundit në InstaStory, Rina ka ndarë një mesazh simbolik ku shkruan: “Sado e fortë të jetë era, mali nuk dorëzohet”.
Kjo deklaratë është interpretuar si një shenjë e forcës dhe reflektimit të saj personal, duke treguar vendosmërinë për të ecur përpara pavarësisht dhimbjes së madhe. Një tjetër veprim që ka tërhequr vëmendjen është fshirja e të gjitha fotografive me Isufin nga profili i saj në Instagram.
Ky veprim duket se simbolizon mbylljen e një kapitulli të rëndësishëm dhe përgatitjen për një fillim të ri në jetën e saj. Festim Isufi u gjet i vdekur në maj të këtij viti në Prishtinë, ndërsa hetimet për rrethanat e vdekjes së tij vazhdojnë, me autoritetet që ende nuk kanë dhënë një version zyrtar përfundimtar.
Deklarata e vëllait të tij, që sugjeron përfshirjen e një personi të tretë, ka shtuar kompleksitetin e rastit. Ndërkohë, Rina vazhdon të tregojë guxim në përballimin e kësaj humbjeje të madhe.
Leave a Reply