Korporata Energjetike e Kosovës ka bërë të ditur se njësia A5 e saj do të rikthehet në funksionim në ditët e ardhshme.
Ky bllok u ndal së operuari për shkak të disa rrjedhjeve të ujit të zbuluara në sistemin e tij mbrëmjen e kaluar. Aktualisht, janë në operim katër njësi të tjera, të cilat po mbajnë barrën e prodhimit të energjisë elektrike.
Sipas KEK, rikthimi i njësisë A5 do të ndihmojë në sigurimin e një stabiliteti më të madh në furnizimin me energji elektrike në vend, duke operuar me pesë njësi aktive. Ndalimi i përkohshëm i njësisë A5 është realizuar për të parandaluar defekte më të mëdha dhe për të kryer riparimet e nevojshme teknike, theksohet në deklaratën e KEK.
Kjo masë është marrë për të siguruar që sistemi të funksionojë në mënyrë të sigurt dhe efikase.
Leave a Reply