Aksident detar në Greqi, 15 persona humbin jetën

Një aksident tragjik ka ndodhur pranë ishullit të Kiosit, ku një motoskaf u përplas me një anije patrullimi të Rojës Bregdetare Helenike.

Si rezultat, 15 persona humbën jetën dhe 25 të tjerë u plagosën. Incidenti ndodhi gjatë natës dhe përfshinte një motoskaf me pasagjerë të huaj që lëvizte pa drita navigimi.

Përkundër sinjalizimit nga anija patrulluese, motoskafi ndryshoi kursin duke u përplasur me anijen. Pas përplasjes, motoskafi u përmbys dhe pasagjerët u hodhën në det.

Roja Bregdetare organizoi menjëherë një operacion shpëtimi, ku morën pjesë katër anije patrullimi, një anije private dhe dy helikopterë të Forcave Ajrore. Të plagosurit u dërguan në spitalin Skylitseio, ku një grua humbi jetën më vonë.

Autoritetet kanë nisur hetimet për të zbardhur shkaqet e ngjarjes, ndërsa kërkimet për persona të zhdukur po vazhdojnë. Çdo zhvillim i mëtejshëm do të bëhet publik përmes njoftimeve zyrtare.