Presidentja e Kosovës, Vjosa Osmani, ka tërhequr vëmendjen për pjesëmarrjen e saj në ceremoninë e Bordit të Paqes, e cila u organizua nga Donald Trump.
Gazeta gjermane Frankfurter Allgemeine Zeitung (FAZ) sugjeron se ky hap i Osmanit ka një qëllim politik të fshehur pas tij. FAZ raporton se Osmani po përpiqet të pozicionohet si “kandidatja e Trumpit”, në një kohë kur përballet me mungesë mbështetjeje në Kuvendin e Kosovës.
Burime të besueshme në Prishtinë sugjerojnë se ajo përdor strategjinë e një kërcënimi të tërthortë, duke nënkuptuar se moszgjedhja e saj mund të krijojë tensione me SHBA-në. Ndërkohë, roli i kryeministrit Albin Kurti është gjithashtu në qendër të këtij skenari politik, pasi marrëdhëniet mes tij dhe Osmanit nuk janë më të ngushta.
FAZ thekson se Edi Rama, kryeministri i Shqipërisë, ka luajtur një rol kyç në afrimin e Osmanit me Trumpin, duke e parë atë si një rival të mundshëm për Kurtin. Megjithatë, gazeta nënvizon se, edhe pse Kosova është ndër vendet më pro-amerikane, mbështetja nga SHBA-ja nuk garanton më sukses të sigurt politik.
Leave a Reply