Kryeministri i Kosovës, Albin Kurti, ka zhvilluar një takim me nxënësit e Shkollës së Mesme “7 Shtatori” në Prishtinë dhe Gjimnazit “Vëllazërim Bashkim” nga Ulqini.
Diskutimet u përqendruan në çështjet e arsimit, përfshirë mundësitë e punësimit dhe përfitimet e shkollimit profesional. Kurti theksoi rëndësinë e arsimit si një mjet për promovimin e mirëkuptimit dhe bashkëpunimit në rajon.
Ai vuri në dukje rolin e shkollave të mesme në krijimin e hapësirave për shkëmbimin e ideve dhe respektin për diversitetin kulturor. Një temë tjetër kryesore e diskutimit ishte ndikimi i teknologjisë dhe digjitalizimit në edukimin e të rinjve.
Kryeministri nënvizoi përkushtimin e qeverisë për avancimin e arsimit profesional, duke theksuar nevojën për t’u përshtatur me kërkesat e tregut të punës. Drejtoresha e shkollës “7 Shtatori”, znj.
Hatixhe Ratkoceri, shprehu falënderime për mbështetjen e vazhdueshme të Ministrisë së Arsimit dhe Kryeministrisë për zhvillimin e infrastrukturës shkollore. Vizita ishte pjesë e projektit “Superschools”, mbështetur nga Zyra Rajonale e Bashkëpunimit Rinor (RYCO).
Leave a Reply