Më 4 shkurt 2026, në qytetin e Rahovecit ndodhi një ngjarje tragjike, ku dy persona u gjetën të vdekur në një banesë në rrugën “Halil Hamza”.
Një familjar njoftoi Policinë e Rahovecit rreth orës 08:30, pasi gjatë një vizite te kushëriri, i cili jetonte i vetëm, zbuloi trupat e pajetë të H.M., rreth 86 vjeç, dhe J.M., rreth 64 vjeç. Mjeku kujdestar, që mbërriti në vendin e ngjarjes, konfirmoi vdekjen e të dyve.
Sipas burimeve të afërta me hetimin, është nisur procedura si “Hetim i vdekjes” pas konsultimit me Prokurorin e Shtetit dhe Prokurorin kujdestar për krime të rënda. Trupat u dërguan në Institutin e Mjekësisë Ligjore në Prishtinë për obduksion, me qëllim zbardhjen e rrethanave dhe shkaqeve të vdekjes.
Rasti i është kaluar Sektorit Rajonal të Hetimeve në DRP Gjakovë për hetime të mëtejshme, të cilat janë në vazhdim.
Leave a Reply