Ish-nënkryetarja e Kuvendit të Kosovës, Emilia Rexhepi, nga Partia e Re Demokratike që përfaqëson boshnjakët, ka deklaruar për RTV21 se do të respektojnë vendimin e Gjykatës Kushtetuese në lidhje me të drejtën e Listës Serbe për të pasur nënkryetarin e Kuvendit nga komuniteti serb.
Megjithatë, ajo theksoi se ende nuk kanë vendosur nëse do të mbështesin kandidaturat e Listës Serbe për këtë post, raporton Klankosova.tv. Rexhepi nënvizoi rëndësinë e respektimit të Kushtetutës së Kosovës dhe vendimeve të gjykatës, duke shtuar se si deputetë janë të detyruar t’i përmbahen këtyre normave.
Ajo sugjeroi që procesi i votimit për nënkryetarët e Kuvendit të zhvillohet ndaras për kandidatët nga komunitetet serbe dhe joserbe. Në fund, Rexhepi vuri në dukje se një votim i tillë i ndarë nuk bie ndesh me Kushtetutën, duke u bazuar në vendimin e Gjykatës Kushtetuese që lejon këtë praktikë.
Ajo shprehu qëndrimin se kjo qasje do të jetë më e përshtatshme për të gjithë.
Leave a Reply