Alban Bajrami, deputet i zgjedhur nga Lëvizja Vetëvendosje, ka shprehur optimizëm se konstituimi i Kuvendit të Kosovës mund të ndodhë javën e ardhshme, duke nënvizuar nevojën për formimin e shpejtë të institucioneve të reja.
Ai ka theksuar rëndësinë e miratimit të buxhetit dhe marrëveshjeve ndërkombëtare, duke i cilësuar si çështje urgjente për vendin, pas humbjes së kohës nga vonesat e deritanishme. Gjatë një interviste në ATV, Bajrami u shpreh se është thelbësore që qeveria dhe ministrat të votohet sa më parë.
Ai deklaroi se procesi i certifikimit të zgjedhjeve nuk pritet të hasë pengesa, pasi ankesat janë përfunduar dhe nuk kanë patur bazë të mjaftueshme ligjore për t’u marrë parasysh. Bajrami shpreson që javën e ardhshme të sjellë zhvillime pozitive, duke çuar drejt formimit të institucioneve të reja, pasi procesi i ankesave tashmë ka përfunduar dhe pritet që certifikimi të ecë përpara pa probleme.
Leave a Reply