Bill dhe Hillary Clinton pritet të dëshmojnë veçmas në fund të shkurtit për çështjen Epstein para një komiteti të Kongresit Amerikan.
Çifti ka kërkuar që seancat të jenë publike, duke theksuar se kjo do të shmangë shfrytëzimin politik nga republikanët. Komiteti, i cili zhvillon seanca me dyer të mbyllura, është i interesuar për miqësinë e ish-presidentit me Jeffrey Epstein dhe për dijenitë e ish-sekretares së Shtetit rreth lidhjeve të burrit të saj me financierin që vdiq në burg në 2019.
Hillary Clinton ka deklaruar se është e gatshme të dëshmojë publikisht dhe ka informuar komitetin për atë që di. Ndërsa Bill Clinton, i cili ka udhëtuar me avionin e Epstein dhe ka qenë në kontakt me të një dekadë më parë, mohon dijeninë për krimet e tij.
Nëse nuk paraqiten për dëshmi, ata mund të përballen me pasoja ligjore. Hillary do të dëshmojë më 26 shkurt, ndërsa Bill më 27 shkurt.
Leave a Reply