Në prag të 17-vjetorit të shoqatës bamirëse “Jetimat e Ballkanit”, Halil Kastrati ndau historinë e themelimit të saj, frymëzuar nga përvoja e tij si mërgimtar dhe azilkërkues.
Gjatë një interviste në emisionin “Weekend” në Klan Kosova, ai shpjegoi se përvoja e parë me kuzhinat humanitare jashtë vendit e nxiti të premtonte se, nëse do të kthehej në Kosovë, do të krijonte një të tillë për të ndihmuar njerëzit në nevojë. Kastrati theksoi se kuzhina humanitare e tyre u hap në vitin 2009, me synimin për të ofruar ushqim të ngrohtë për ata që kanë nevojë.
Ai gjithashtu foli për sfidat e para, duke theksuar se fitimi i besimit të komunitetit dhe mbajtja gjallë e kuzhinës ishin sfida të mëdha. Ballafaqimi me familjet në nevojë dhe dëgjimi i historive të tyre e shtynë shoqatën të zgjerohej me aktivitete të tjera.
Kastrati përmendi se fillimet ishin të vështira dhe shpesh ndiheshin të sfiduar për të vazhduar më tej.
Leave a Reply