Në shtëpinë e Big Brother VIP Kosova 4 ka shpërthyer një debat i fortë mes Labinot Rexhës dhe motrave Aurora dhe Suanita, duke krijuar tensione të mëdha midis banorëve.
Konflikti filloi kur Suanita akuzoi Labinotin se po e përdor fenë për përfitime personale, duke vënë në dyshim lidhjen e tij të vërtetë me myslimanizmin, çka e irritoi këngëtarin. Debati u përshkallëzua kur Labinoti pretendoi se Suanita e kishte ofenduar në gjuhën serbe, një pretendim që Suanita e mohoi me ironi, duke përmendur thashethemet për një fëmijë jashtëmartesor të Labit me një shtetase serbe.
Për t’i kundërshtuar këto pretendime, Labinoti ofroi 50 mijë euro për këdo që mund të provonte vërtetësinë e tyre. Situata u komplikua më tej kur Labinoti aludoi për familjen e Suanitës, duke përmendur babanë e saj dhe duke pretenduar se një anëtar i familjes së saj kishte mbrojtur serbë.
Kjo deklaratë shkaktoi një reagim të ashpër nga Suanita, e cila mbrojti nderin e babait të saj, duke theksuar se ai i ka shërbyer popullit për 40 vite.
Leave a Reply