Policia e Kosovës ka nisur hetime për falsifikim të parasë dhe posedim të paautorizuar të narkotikëve pas një incidenti në fshatin Prelez i Jerlive të Ferizajt më 6 shkurt.
Incidenti u raportua në një pikë karburanti, ku u dyshua për një kartëmonedhë të falsifikuar 20 euro. Në lidhje me rastin, policia ka identifikuar tre të dyshuar: një shtetas kosovar, Sh.
V. (27), dhe dy shtetas palestinezë, N.
Z. (30) dhe M.
O. (28).
Gjatë kontrollit, u gjetën kartëmonedha të dyshimta, substanca narkotike dhe dy mulli. Me urdhër të prokurorit, të dyshuarit palestinezë u ndaluan për 48 orë, ndërsa i dyshuari kosovar u lirua pas intervistimit.
Më 7 shkurt, policia zbuloi banesën e të dyshuarve në Ferizaj, ku u sekuestruan dokumente të ndryshme. M.
O. rezultoi të ishte subjekt i një urdhërarresti ndërkombëtar.
Hetimet zbuluan gjithashtu një të mitur, A. T.
(17), e cila shoqëronte të dyshuarin. Në banesën e saj në Kaçanik u gjetën kartëmonedha të dyshuara të falsifikuara dhe substanca narkotike.
Hetimet po vazhdojnë në koordinim me Njësitin e Hetimeve të Kufirit dhe Prokurorinë Themelore në Ferizaj.
Leave a Reply