Gjykata Supreme e Kosovës ka refuzuar disa ankesa të subjekteve politike lidhur me zgjedhjet e fundit.
Një nga ankesat e refuzuara ishte ajo e Partisë Rome të Bashkuar, që pretendonte parregullsi në numërimin e votave në QKN. Gjykata e konsideroi të drejtë vendimin e PZAP-së, duke theksuar se përfaqësimi politik i komunitetit rom është siguruar me votat e komuniteteve të tjera.
Në një tjetër vendim, Supremja refuzoi ankesën e koalicionit PAI-PDAK-LPB për rinumërim të plotë. Gjykata argumentoi se nuk ka prova për parregullsi apo manipulime.
Ankesa e Emilija Rexhepit për anulimin e 85 votave për “Koalicija Vakat” në Velezhë gjithashtu u hodh poshtë. Gjykata theksoi se pretendimet pa prova konkrete nuk mund të çojnë në anulimin e votave.
Një ankesë tjetër e refuzuar ishte ajo e kandidatit të PDK-së, Bekim Haxhiu, që kërkonte ndryshim në ndarjen e mandateve sipas kuotës gjinore. Në vendimin e saj, Gjykata konfirmoi zbatimin e drejtë të kuotës gjinore prej 30%.
Leave a Reply