Partia Demokratike e Kosovës (PDK) ka kritikuar ashpër drejtimin e procesit gjyqësor të zhvilluar, duke akuzuar gjykatën për devijim nga misioni i saj për drejtësi.
Ata pretendojnë se gjykimi është kthyer në një përpjekje për të shtrembëruar të vërtetën historike dhe për të ndërtuar një narrativë të rreme, duke e paraqitur luftën çlirimtare të Kosovës si një projekt kriminal. PDK nënvizon se regjimi i Sllobodan Millosheviqit dhe aparati shtetëror serb kanë kryer krime të rënda kundër njerëzimit në Kosovë, të cilat janë dokumentuar nga mekanizma ndërkombëtarë.
Gjithashtu, theksohet se Ushtria Çlirimtare e Kosovës ishte një reagim legjitim ndaj dhunës serbe dhe një mbrojtje e domosdoshme për popullin e Kosovës. Duke iu referuar akuzave ndaj liderëve si Hashim Thaçi dhe Kadri Veseli, PDK kundërshton barazimin e viktimës me agresorin dhe e konsideron absurde kërkesën për dënime të ashpra, duke theksuar se kjo është një ndëshkim politik.
Partia riafirmon besimin në pafajësinë e çlirimtarëve dhe legjitimitetin e luftës për liri.
Leave a Reply