Udhëheqësit e vendeve të Ballkanit Perëndimor do të mblidhen të hënën në Durrës për samitin e Iniciativës Brdo-Brioni.
Ky takim, i drejtuar nga presidenti i Shqipërisë Bajram Begaj dhe organizuar nga presidentët e Sllovenisë dhe Kroacisë, Nataša Pirc Musar dhe Zoran Milanović, do të përqendrohet në perspektivën evropiane të rajonit dhe forcimin e bashkëpunimit ndërmjet vendeve pjesëmarrëse. Iniciativa Brdo-Brioni, e filluar më 2013 nga Sllovenia dhe Kroacia, përfshin Shqipërinë, Bosnjë-Hercegovinën, Malin e Zi, Kosovën, Maqedoninë e Veriut dhe Serbinë.
Synimi i saj është të lehtësojë procesin e integrimit të këtyre vendeve në BE, duke promovuar stabilitetin dhe sigurinë në rajon. Gjatë takimit, do të diskutohet Plani i Rritjes së Ballkanit Perëndimor të BE-së, i cili përfshin një fond prej 6 miliardë euro për periudhën 2024-2027.
Shtetet e rajonit do të përfitojnë nga ky fond për të përmirësuar ekonomitë e tyre dhe për të avancuar drejt integrimit evropian. Samiti i këtij viti pason atë të mbajtur në Malin e Zi, ku u nënvizua rëndësia e marrëdhënieve të mira fqinjësore dhe bashkëpunimit rajonal.
Leave a Reply