Në Hagë, procesi gjyqësor ndaj ish-udhëheqësve të Ushtrisë Çlirimtare të Kosovës ka hyrë në vitin e pestë, ndërsa mbrojtja ka paraqitur dëshmi nga diplomatët amerikanë që ishin të përfshirë në ngjarjet e asaj kohe.
James Rubin, ish-ndihmësi i Sekretarit të Shtetit të SHBA-së, e ka cilësuar aktakuzën si të pabazuar dhe ka kritikuar mbajtjen e gjatë në paraburgim të të akuzuarve, të cilët janë dorëzuar me vullnet të lirë. Ai e konsideroi këtë çështje më shumë politike sesa juridike.
Në dëshminë e tij, Rubin përshkroi UÇK-në si një organizatë guerile pa strukturë të centralizuar, duke theksuar se Kosova vetë e krijoi këtë gjykatë dhe se ish-krerët e UÇK-së hoqën dorë nga pozitat për të lehtësuar drejtësinë. Ndërkohë, John Duncan, këshilltar i NATO-s gjatë luftës, deklaroi se nuk ka parë prova që Thaçi të ketë dhënë urdhra ushtarake.
Po ashtu, James Covey theksoi se Thaçi dënoi dhunën ndaj pakicave etnike, duke e cilësuar atë si një ndërmjetës me UÇK-në. Seancat vazhdojnë, dhe mbrojtja ka njoftuar se nuk do të përfundojë çështjen në afatin e caktuar, ndërsa dëshmitari i ardhshëm pritet më 27 tetor.
Leave a Reply