Komandanti i Policisë së Gjakovës, Lumni Graishta, ka sqaruar një postim të tij në Facebook, ku kishte përdorur gjuhë të ashpër si “fajdexhi”, “hajna” dhe “kriminel”, të cilin e hoqi më pas.
Në një deklaratë për FrontOnline, Graishta theksoi se postimi pasqyronte pikëpamje personale dhe nuk i drejtohej një individi të caktuar. Graishta theksoi se shqetësimi i tij lidhej me një dukuri shoqërore ku individët me të kaluar kriminale shpeshherë marrin vlerësime pozitive publikisht.
Ai vuri në dukje se shpesh shikon komente në media dhe rrjete sociale ku lavdërohen persona që kanë qenë të arrestuar ose kanë marrë vendime gjyqësore. Postimi, sipas tij, nuk kishte për synim të shënjestronte ndonjë figurë specifike, por të theksonte një fenomen që ai e konsideron problematik.
Graishta përmendi që ndonjëherë njerëzit shkruajnë diçka dhe më pas e tërheqin, duke nënkuptuar se media nuk duhet të përqendrohet shumë në çështje të tilla private.
Leave a Reply