Kryeministri në detyrë, Albin Kurti, ka kritikuar ashpër Sami Lushtakun në një përpjekje për të mbështetur kandidatin e partisë së tij në garën për Komunën e Skenderajt.
Kurti e ka përshkruar Lushtakun, pa përmendur emrin e tij drejtpërdrejt, si një “multi-milioner” dhe ka vënë në dukje se ai është një “ish-komandant që gëzohet kur njerëzit i frikësohen”. Gjatë fjalimit të tij, Kurti ka theksuar se qeverisja aktuale në Skenderaj nuk ka një program apo ide të qarta.
Ai ka shprehur kritika mbi pabarazitë e krijuara nën udhëheqjen e Lushtakut, duke i quajtur ato një devijim nga sakrifica e dëshmorëve dhe të gjithë atyre që kontribuan për çlirimin dhe pavarësinë e Kosovës. Kurti ka shtuar se detyrat publike duhet të jenë përkushtim ndaj shërbimit, jo mundësi për pasurim personal.
Leave a Reply